226 páx.(150x210 mm.)

Este libro foi o gañador do Premio de Investigación Medieval de Galicia 2004. Constitúe unha síntese crítica de todos os traballos arqueolóxicos que se fixeron en Galicia ata agora arredor dunha fase tradicionalmente “escura” e pouco estudada, a que engloba dende os momentos finais do Imperio Romano ata o agromar da Alta Idade Media, pasando polos Reinos Xermánicos, e que na bibliografía científica actual é nomeada como Tardoantigüidade. Pero ademais, superando a mera síntese, ofrece un novo modelo arqueohistórico para este período na Gallaecia tardoantiga, sentando as bases teóricas para futuros estudos.