"Nos relatos de Parcero cremos escoitar a Joyce, a Faulkner, a Steinbeck, aos gurús do realismo sucio... centos de lecturas que agora se condensan no seu estilo áspero e en ocasións poético. Con esas roupaxes vestiu a súa experiencia e afanouse en comprender. Da súa razón saíron monstros, porque monstros son os que están dentro de nós e nos rodean. Prepárate, lector, para enfrontarte á sordidez que se agocha no cotián, sen peripecia e sen aventura, a que podemos achar na nosa rúa, no segundo andar, na sala de estar da nosa casa e no propio cuarto onde estamos sós".