O léxico da lingua galega está composto por unha gran variedade de palabras entre as que se encontran aquelas procedentes de marcas rexistradas: cola-cao, coca-cola, típpex, chupachups, velux...

A obra pretende agrupar os termos do galego que amosan esta procedencia e analizar a presenza e a difusión no uso habitual, mediante a análise do Corga.

Constitúe este estudo unha achega máis dentro dos traballos relacionados co léxico, que quere colaborar no enriquecemento da nosa lingua, con termos moi frecuentes entre os falantes pero ausentes en moitas ocasións dos repertorios lexicográficos.