No comité de dirección de Lindqvst & Larsson – España, respírase un ambiente de máxima desconfianza. Os obxectivos de cada directivo resultan contrapostos e a tensión aumenta até niveis insoportábeis. Tras un brusco cambio de organigrama, Héctor Carudel debe viaxar a Estocolmo, onde está a sede central da auditora. Pero non chega a destino. Salomé Aguilera recibe unha estraña chamada comunicándolle o secuestro do seu marido. Unha vez pagado o rescate e reintegrado Carudel ao fogar, deciden non denunciar o secuestro. Salomé confésalle que tivo que recorrer a César Sanjurjo, o CEO da empresa, para recadar o diñeiro. Porén, non o informa de que retivo unha parte da contía. Sospeita que o seu marido lle agocha algo e, en segredo, decide contratar o detective Lucas Pardo. Pronto sucede o imprevisible: Fredrik Solberg, director adxunto de Lindqvst & Larsson – España, é asasinado de dous disparos por detrás. As investigacións do detective desvelan sorprendentes informacións relativas a cada directivo da compañía, o que arrastra a Salomé Aguilera a tomar unha drástica e inesperada decisión…