248 páx. 14x21,5 cm

As distintas maneiras de entender a relación do home co cosmos, fóronse transmitindo de civilización en civilización ata os nosos días, desde as flores depositadas sobre unha campa prehistórica ó lamento carpideiro de Isis diante do cadáver de Osiris, e a pesar de sermóns pretendendo trocar os vellos costumes, aínda hoxe, en pleno século XXI se seguen mantendo ritos herdados de celtas, romanos, exipcios ou gregos, modificados ó longo dos séculos, pero mantendo en esencia o sentimento de triunfo da vida sobre a morte. Pese ós avances da sociedade e a que a tecnoloxía prime na vida actual, aínda seguimos tendo os mesmos medos e usando os mesmos ritos para esconxuralos ca os nosos antepasados de vinte ou trinta séculos atrás. Costumes que chantan as súas raíces nas máis arcaicas culturas, e seguen practicándose e tendo valor.
Percorrer os festexos do calendario é encontrarnos cos medos que antano e hogano lle temos ós males e perigos que nos asedian.