368 páx.(150x210 mm.)

Este traballo presenta a edición crítica e o estudo do corpus documental do mosteiro de Santiago de Mens procedente do concello de Malpica. Consta de 27 pergameos conservados no arquivo da Colexiata de Santa María do Campo (A Coruña). Todos son documentos xurídicos dispositivos de carácter notarial e privado e a maioría deles foron redactados nas dependencias do mesmo cenobio durante os séculos XIV e XV. Ademais da edición dos pergameos, apórtase un  completo glosario dos termos presentes nos manuscritos e os correspondentes índices onomásticos, que poden ser de utilidade de cara a estudos lingüísticos e históricos.