286 páx. (110x165 mm.)

Vivir a relidade fisicamente, lonxe das referencias alleas de libros que lle enchían a mente na súa cela madrileña, é o que leva a Sarmiento a facer a súa viaxe por Galicia. A obra é un documento de época interesantísimo marcado polos desexos que agromaban no seu coñecemento. O espírito ilustrado, contemporáneo ao dunha Europa próxima a se revolucionar, lévao a fixar todo canto chega aos seus oídos, todo o que se filtra polo seu ollar  escrutador. O libro convírtese nunha pequena enciclopedia sobre a Galicia do XVIII con enumeración de vilas, ríos e todo tipo de accidentes xeográficos, de vexetais e de etnografía.