A vertixe dos días non se deixa clasificar.Ás veces, o motivo do escrito diario é unha efeméride, outras unha lembranza da nenez, unha reflexión filosófica, as sensacións que evoca o cambio das estacións... É un inventariar os lindes do que é tempo no destempo, un percorrido vital. Case poderiamos identificalo cun mural dunha famosa rede social, a xeito de posts diarios, de notas cargadas de humanismo que son escritas para ser comunicadas aos iguais. Ido si, non son pezas que deban perderse na inmediatez, senon que hai que ler con detemento A vertixe dos días para aprehender as máximas que Xosé Lois nos vai deixando neste anuario.