José Cernadas Sande (Carnota, 1971) é canteiro profesional, amante e bo coñecedor da arquitectura popular e de todo o relacionado con ela. Neste traballo o autor fai un estudo sobre a cantería tradicional e as construcións populares dunha zona que non lle resulta allea, o seu concello natal, e no que se recollen todos os saberes tradicionais, moitos xa desaparecidos. Para Cernadas Sande, o oficio da cantería foi o máis importante da nosa cultura e polo tanto é merecente dun traballo divulgativo para evitar a total desaparición destes saberes. Tamén é experto na arte rupestre e autor do libro Gravados rupestres nos montes de Carnota.