PRESENTACIÓN DE ORIXINAIS
Enviarase xunto coa proposta editorial unha ficha na que figuren os datos seguintes: NOME E APELIDOS, D.I., ENDEREZO POSTAL E OBRA XA PUBLICADA (se é o caso).
Criterios lingüísticos e normativos:
A lingua empregada haberá de
axeitarse ás Normas Ortográficas e Morfolóxicas do Idioma Galego
publicadas pola Real Academia Galega e o Instituto da Lingua Galega en 2003 (dispoñible en PDF en
http://www.xunta.es/linguagalega/normas_ortograficas_e_morfoloxicas).
Nos casos de dualidade, a Editorial resérvase o dereito de utilizar como
opcións as que compoñen a seguinte relación:
1.- SIGNOS DE INTERROGACIÓN E ADMIRACIÓN.- empregarémolo ao comezo e
tamén ao final (páxina 40).
2.- TERMINACIÓN –BLE /-BEL.-
empregamos –ble e o seu plural –bles (páxina 59).
3.- CONTRACCIÓNS Ó, ÓS / AO,
AOS.- empregamos a representación ao, aos (páxina 86).
4.- ENCONTRO DE ARTIGO E
CONXUNCIÓN COMPARATIVA CA.- optamos pola representación ca o(os),
ca a(as) en lugar das contractas có(ós), cá(ás).
Criterios de presentación e estrutura para os traballos de ensaio (aplicables tamén para os traballos presentados ao Premio de Historia Medieval de Galiza e Portugal):
1.- Introdución
2.- Corpo do traballo
3.- Transcrición de documentos (se é o caso)
4.- Bibliografía (ao final do traballo):
Modelo de cita:
VILA, Suso (2010), A casa de Soutomaior (1147-1532), Noia, Toxosoutos.
Nas notas ao rodapé reproducirase completa a referencia na primeira cita, e abreviada as restantes. Así, segundo o modelo proposto, a cita abreviada sería: Vila, Soutomaior.
5.- Índice onomástico
6.- Índice toponímico
Formatos
O
texto remitirase en word e evitarase todo formato que dificulte a súa
maquetación. As imaxes serán enviadas noutro documento indicando o
capítulo onde deben incluirse.
